اللي جربتوا التعارف الجاد عن طريق المواقع، الصورة في الملف الشخصي فرقت معكم فعلاً ولا الأهم وضوح المعلومات؟ أبغى تجارب واقعية مو آراء نظرية.
سأجيبك بواقعية لأني جربت الوضعين. بدون صورة: تفاعل أقل، لكن من يتواصل يكون مهتماً بالجوهر غالباً. مع صورة محتشمة: تفاعل أكبر وفيه نسبة فضوليين لا يقصدون الزواج أصلاً. الذي ارتحت له أخيراً: ملف بدون صورة مع وصف دقيق وصادق، ومن يثبت جديته بتواصل رسمي عبر الأهل يرى ما يلزم بالطريقة المحترمة المعتادة. صورك ملكك، لا تضعيها في مكان لا تتحكمين فيه.
حبيبتي أنا ما حطيت صورة من الأساس، خفت نفس خوفك بالضبط. ومع جذيه تعرفت على شخص جاد، اللي شده كان كلامي وطريقة تفكيري. بس بصراحة الردود اللي توصلني كانت أقل وايد من صديقتي اللي حاطة صورة، يعني فيه ثمن للستر هههه. شوفي أولوياتك وقرري على أساسها.
رأي من الطرف الثاني يا أخوات: أنا شاب أدور زواج جاد وأقولكم بصدق الصورة عندي آخر شي، اللي يوقفني هو الملف الفاضي اللي ما فيه أي معلومات. اكتبوا وش تبغون ووش ما تقبلون بوضوح وبيجيكم الجاد إن شاء الله.
انا ما احط صورتي ابد ومستحيل احط، وحدة اعرفها انسحبت صورها من ملفها وانتشرت في قروبات وعاشت اسبوعين ما تنام من الهم والخوف، من يومها وانا شايلة هالهاجس. يمكن ردودي اقل بس على الاقل نايمة مرتاحة.